Tamang Pagkakamali!

Tayong mga Pinoy, mahilig tayong maging sigurista. Hindi tayo mahilig gumawa ng mga bagay na may slight chance na pumalpak. Tulad ng business, humanap ka ng business partner at ang tipikal na isasagot niya ay masyadong risky o natatakot siya. Imbes na gumawa na isang bagay na kikita ka panghabang buhay, magkaroon ka lang ng konting ipon ang Pinoy, gagastahin na sa pagbili ng bahay, kotse at kung anu ano pang ari-arian na hindi naman kumikita ng pera.

Hindi ko alam kung bakit takot tayong magkamali. Ako, habang mabata-bata pa ako (pwede pang pagkamalang virgin), gusto kong magkamali ng magkamali. Para sa bawat pagkakamali ko, masasapok at masasapok ko ang ulo ko hanggang matuto ako. Yun naman ang point ng pagkakamali, para matuto. Wala akong mapapala kung hinding hindi ako magkakamali... Dahil hindi rin naman ako matututong gumawa ng isang bagay (not limited sa paggawa ng baby). 

Madalas pinagtatawanan natin ang ibang tao dahil gumagawa sila ng mga bagay na kakaiba, hindi uso at bago lang sa paningin. At hindi hindi rin tayo natutuwa sa kanila hangga't hindi sila napapansin ng ibang tao. Bakit kailangan pang maghintay ng iba para sabihin mo sa sarili mong maganda ang kanilang nagawa? Dahil ayaw mo ring matawag na KUMAG hindi ba? 

Ako, nabibilib ako sa kanila. Tignan mo ang may-ari ng Jollibee. Ginaya lang niya ang McDo pero asan ang Jollibee ngayon? Baka nga Jollibee na ang ginagaya ng McDo sa Pinas. Tignan mo ang Mang Inasal, out of nowhere bigla na lang itong lumaki. At ano bang tinda ng Mang Inasal? Chicken Inasal. Bilib ako sa kanila, napaka common lang ng mga binebenta nila and yet, nakuha pa rin nilang maging profitable. Hindi sila natakot lumabas sa market at magtinda ng ewan. Sigurado ako hindi naging madali sa kanila ang pag-unlad. Sigurado ako marami rin silang naranasang pagkakamali. Sigurado ako, marami din silang natutuhan. Kaya nga nandyan pa rin sila at hindi nalulugi. 

Bakit kaya andaming pangit na lalaki ng super hot ang girlfriend? May malaking chance na dahil mayaman ang sagot. Pero yung iba, pinili sila ng girlfriend nila dahil sila lang ang naglakas loob na manligaw. Ang mga pangit na ito, marunong din silang mag-alaga ng babae. Marunong silang magpahalaga ng kung anong meron sila. Kaya nga nagtatagal sila ng kanilang girlfriend eh. At higit sa lahat, may sense of humor sila. Tignan mo lang sila matatawa ka na. ^_^ 


Note: Hindi ko sinasabing maging pangit ka na lang ha. At hindi ko rin sinasabing humanap ka ng pangit. 







Nag-iisip na naman ako ng bagong raket. Medyo pumalpak ang una kong venture sa t-shirt printing. Pwede ko yung balikan in the future. Pero for now, hindi pala yun ang trip kong business. Hahaha.. At least naranasan ko tumikim ng magka-business at magpasweldo. Yung susunod kong venture baka pumalpak na naman pero sigurado ako may matututuhan ako. Hindi ako natatakot magkamali. ^_^ 


Piliing maging kakaiba. Huwag matakot magmukhang weird. Nabuhay ka ba sa mundo para maging tulad ng iba? Wala ka bang balak hanapin ang misyon mo? Ang mga pagkakamali ay nandyan para matuto ka. Magkakamali at magkakamali ka hanggang matuto ka. Otherwise, kung nagkamali ka ng minsan at sumuko ka agad, LOSER ang tawag dun. Ang nagkamali pero natutong magpursigi at naging henyo, WINNER ang tawag dun. 


Simple lang di ba?

maling pagkakamali