Ideal Girlfriend

Lahat naman ng lalake iba iba ang ideal girlfriend. Pero dahil sa bro code, nagkakatugma tugma kaming mga lalake sa gusto naming maging girlfriend. Here's a simple list para sa mga babaeng gustong mag-effort para sa boyfriend o gustong magka-boyfriend:

Ang ideal girlfriend marunong magluto? Well, obvious naman yun. Pero hindi kailangang maging expert sa pagluluto. Ang gusto lang naman naming mga lalake ay simple lang. Gusto lang naman namin may makain. Kesyo pritong itlog yan, scrambled kung di kayang sunny side up pag umaga with matching pandesal and 3 in 1 coffee ok na yun! Hindi kailangan ng pagkaing pang Chef na level. Ang mga lalakeng ay ginawang simple. Magulo lang talaga mag-isip mga babae kaya ginagawa nilang kumplikado. ^_^

Ang ideal girlfriend, hindi mahilig manood at pumilit manood ng corny Filipino sweet kuno movie. Manonood na lang sila ng bakbakan, horror okya bold kasama ang boyfriend. Ang ideal girlfriend nakokornihan sa mga pelikulang hindi naman mangyayari sa tunay na buhay. Hindi siya kinikilig kay Edward o Jacob o kay Justin Bieber. At hinding hindi niya ipagpipilitang lalake si Piolo Pascual. 

Ano to fairy tale? Amf. 

Ang ideal girlfriend astigin. Alam niya kung ano ang DOTA. Alam niya kung ano ang feeling ng FIRST BLOOD. Alam din ng ideal girlfriend na kapag naglaro ang lalake, nakafocus siya sa laro dahil nakasalalay dun ang kanyang dignindad. Alam ng ideal girlfriend na napakalaking kahihiyan ang ma-first blood o hindi makapatay sa laro. Marunong maglaro ang ideal girlfriend. Ang ideal girlfriend, nakakalaro ng boyfriend at combo ang kanilang mga hero.

Ang ideal girlfriend, mahinhin sa ibang tao. Nagtatakip siya ng dibdib at pwet kapag sasakay ng jip. Hindi siya nagsusuot ng sexing damit kapag wala ang boyfriend niya. Hindi siya nakikipaglandian. Ang ideal girlfriend, hindi nagtatanga tangahan at sasabihing friend lang talaga turing sa kanya ng isang paksyet na lalakeng aali-aligid sa kanya. Ang ideal girlfriend, magpacute lang ang isang lalake sa kanya supalpal agad ang inaabot. Hindi bibigyan ng ideal girlfriend ng pagkakataon ang kahit sino mang lalake na sirain ang relasyon nila ng kanyang boyfriend. Hindi siya bitch. Hindi siya mahilig sa papuri ng opposite sex dahil iisa lang tao ang magbibigay sa kanya ng perfect compliment.  

Isang tingin lang ng boyfriend, alam na ni girlfriend na siya na ang pinakamagandang babae sa mundo.

Ang ideal girlfriend marunong magpaubaya. Hindi siya nagagalit kapag kasama ni boyfriend ang kanyang barkada. Kailanman hindi siya magseselos sa mga barkada ni boyfriend. Nakikisama si ideal girlfriend sa barkada. Kung ma-effort siya, magluluto o bibili siya ng pulutan para sa inuman. Hindi siya eepal sa usapan dahil ang usapang lalake ay hindi dapat pinakikinggan ng mga babae.

Ang ideal girlfriend hindi mahilig makipag-away sa public. Hindi siya mahilig magpapansin para lang maawa sa kanya ang mga tao. Ang ideal girlfriend marunong umintindi at dinadaan sa mabuting usapan ang away. Alam niyang kailangan lang ng space ng lalake at hindi niya dapat kulitin ang boyfriend kapag parehong mainit ang ulo nila.

Ang ideal girlfriend malambing. Pinapapak niya ang kanyang boyfriend as if siya na ang huling pagkain sa mundo. Hindi niya binibitawan ang boyfriend kapag natutulog sila. Lagi siyang naka-hug. Tipong ayaw na niyang  bitawan ang boyfriend. Baka mawala.

Ang ideal girlfriend, ipagtatanggol ang lalake sa mga bitch. Mang-aaway siya sa kung sino mang magtatangkang agawin ang boyfriend niya. Dahil ang tipikal na girlfriend, ang aawayin ay boyfriend. Hindi ang babae.

 

Ang ideal girlfriend hindi paiba iba ang isip. Kung sinabi niyang papayat siya, magpapapayat siya. Hindi siya magsasabi ng kung anu anong shit na dahilan after. Kung gusto mong pumayat, wag kang kain ng kain.

Ang ideal girlfriend hindi mahirap kasama magshopping. Hindi niya lilibutin lahat ng tindahan para lang bumili dun sa unang tindahang pinasukan ninyo. Hindi rin siya magsisisi sa pinamili niya. Gusto lang naming mga lalake more quality time magkasama. Ayaw namin sa chechebureche.  

Ang ideal girlfriend marunong mag-drive. Hindi niya aapakan ang gas kapag ang kailangan niyang apakan ay break. Astigin lang talaga ang babaeng hindi galit sa break. Astig din ang babaeng marunong magmotor.

Ang ideal girlfriend marunong dumiskarte. Hahanap at hahanap yan ng paraan para lang makausap, makita o makasama ang boyfriend. Hindi yan magdadahilan ng kung anu anong shit kung bakit hindi siya nagparamdam. Ayaw niyang nag-aalala ang boyfriend. Ayaw naming mga lalake ang kung anu anong rason. Pag gusto mo talaga ang isang bagay gumawa ka ng paraan. 

Ang ideal girlfriend supportive. Matutuwa siya kapag may achievement ka, kahit na minsan may chance na masasacrifice ang time n'yo magkasama. Proud siya sa boyfriend niya.

Ikaw na ang Ideal Girlfriend!

Kung babae ka at marami kang satsat sa mga nasusulat ko. Normal lang yun. Kaya nga hindi ka ideal girlfriend eh.